വിശ്വാസിയല്ല ഞാന്‍
അവിശ്വാസിയാകാനും കഴിഞ്ഞില്ല
വിജയിക്കാനായില്ല ഒരിക്കലും
എന്നിട്ടും തോല്‍ക്കാന്‍ മനസ്സില്ല
തോല്‍ക്കാത്ത മനസ്സും
അവിശ്വസിക്കാനാവാത്ത വിശ്വാസവും
പേറി ഭ്രാന്തമായി അലയുന്ന
ഞാനൊരു ദാര്‍ശനികനാണോയെന്നറിയില്ല....
കുമ്മായമടര്‍ന്ന ചുവരുകളില്‍ പണ്ടെപ്പോഴോ
കരിക്കട്ട കൊണ്ടെഴുതിയ അക്ഷരങ്ങള്‍
ക്ഷരിക്കാതെ ഇന്നും തൂലികയില്‍
നിന്നും കണ്ണീരായി ഇറ്റു വീഴുന്നു
ഹൃദയത്തിന്‍റെ തേങ്ങല്‍ ഒപ്പിയെടുക്കുന്ന
ഈ വരികളെന്നെയൊരു കവിയാക്കിയോയെന്നറിയില്ല.....
ഇടവഴിയിലെ കണ്മുനകള്‍ കൊണ്ട്
പ്രണയത്തിന്‍റെ ഹരിശ്രീ കുറിച്ചപ്പോള്‍
ജീവിതം പെരുവഴിയിലായി
പ്രണയം വാക്കുകളായി കൂട്ടിവച്ചിട്ടും
മണല്‍ തരികള്‍ പോലെ ഒലിച്ചു പോയി
ഇന്ന് ഹൃദയരക്തം ചിന്തുന്ന മുറിവില്‍
ചോര പൊടിയുമ്പോള്‍ ഞാന്‍ വെറും
ആറടി മണ്ണിനായി തിരച്ചില്‍ നടത്തുന്നു.....
ഒടുവില്‍ ആശ്വാസമേകാന്‍
ശ്വാസവുമില്ല നിശ്വാസമുവില്ല
ഇനി ഞാനൊരു ശവമായാല്‍
പിന്നെയെല്ലാം സത്യം ശിവം സുന്ദരം.....
No comments:
Post a Comment