സ്ലേറ്റു
നീ എഴുതിയതെല്ലാം ഏറ്റു വാങ്ങുന്ന ഒരു സ്ലേറ്റായിരുന്നെങ്കിലും
ഞാന്‍ എഴുതി എഴുതി തേഞ്ഞു തീരുന്ന ഒരു സ്ലേറ്റ് പെന്‍സിലാവാന്‍ കൊതിച്ചു
ഒരിക്കലും മായാത്ത നമ്മുടെ പ്രേമ കാവ്യം ആ സ്ലേറ്റില്‍ ഞാന്‍ കുറിച്ചിരുന്നു.....
ഞാന്‍ പൊട്ടി പൊളിഞ്ഞ സ്ലേറ്റും ചട്ടയും പീഞ്ഞ പെട്ടിക്കുള്ളില്‍ സൂക്ഷിച്ചിരുന്നെങ്കിലും
നീ എന്‍റെ സ്ലേറ്റ് പെന്‍സിലുകളെയൊക്കെ ചവിട്ടി മെതിച്ചു
എണ്ണിയാല്‍ തീരാത്ത ഇ-മെയില്‍ പ്രണയങ്ങള്‍ തേടി അലയുകയായിരുന്നു....
എല്ലാം തുണ്ടം തുണ്ടമായി ഭാഗം വയ്ക്കുന്നതിനിടയില്‍
നീ ക്ലാവ് പിടിച്ച പിച്ചള പാത്രങ്ങളെ പോലും കണക്കു കൂട്ടി
വടക്കിനിയുടെ ഒരു കോണിലെരിയുന്ന ഈ കെടാവിളക്ക് മാത്രം കണ്ടില്ലായിരുന്നു....
ഇന്നീ നാലുകെട്ടിന്‍റെ പടിപ്പുരയ്ക്കു പുറകില്‍
നീ കയ്യൊഴിഞ്ഞു പോയ പുരാ വസ്തുക്കളുടെ കൂട്ടത്തില്‍
ആണ്ടില്‍ ഒരു പിടി ബലി ചോറിനായി ഞാനിന്നും കാത്തിരിക്കുന്നു.....
ഈ പറമ്പിന്‍റെ ഏതോ ഒരു കോണില്‍
നിന്‍റെ കുട്ടികള്‍ക്കുള്ള കൌതുക വസ്തുവായി
ആ സ്ലേറ്റ് മാത്രമിന്നും നഷ്ടങ്ങളുടെ സാക്ഷ്യ പത്രമായി നിലകൊള്ളുന്നു....
symbols are poetic and nostalgic.....
ReplyDeletetry to avoid contrary statements which blur the clarity of images....u can do much better in coming days....hearty wishes....
Thanks a lot for your comment.... I will keep in mind your suggestions for my future pieces
ReplyDelete